Τικ Ακ νταγ ματέν..Από τον Αλέξη Παρχαρίδη

πατήστε εδώ για να ακούσετε το τραγούδι

Σα ποτάμε ήλος παίρ’
σα ρασόπα εχ(ι)όντζεν
εσήμερον ‘κ’ είδα ‘σεν
εθάρρεσα έχροντζεν
./.
Τα ποτάμε κλώσκουνταν
ση χαμελέτας τα νερά
εγώ τίναν αγαπώ
αγαπώ ατεν κρυφά
./.
Ουρανόν ελίβωσεν
ο φέγγον επιάστεν
εγώ τίναν αγαπώ
καιν επαραβράδεστεν
./.
Τα τσορτάνε’ ς τσόρτανε
κι η μαντζίρα’ ς μάντζιρα
εγώ π’ εφίλεσα σεν
ατό εν και ντ’ επήρα