O Ματζουκέτες και το Χασίλ’..

Laugh
Ανέκδοτα Ποντιακά από την Pontiakilelapa

Ίνας Ματζουκάτες επήεν σην ανεφορίαν και ενραδάστεν σ’ έναν χωρίον. Εγέντον μισαφίρ’ τς σ’ έναν οσπίτ’ και έγκαν ατόν να τρώει χασίλ’.

Το χασίλ’ πολλά ζεστόν έτον. Ο Ματζουκάτες επείνασεν, ξάι ‘κι ενέμ’ νεν ατό ν’ αποκρούται. Χαμάν επαίρεν έναν χουλιαρέαν και εσέγκεν ατό σο στόμαν ατ’. Έτρεξαν τα δάκρα τ’. Ας σην εντροπήν ατ’ εκούρτεσεν ατό και  τηδέν  ‘κι εφανέρωσεν.

Όνταν ακλώστεν οπίσ’ ση Ματζούκαν, όθεν επέγνεν έλεεν τοι γειτονάδας ατ’:

– Ούλαν! Σην Ανεφρορίαν όνταν πάτε και φέρν’ νε σας χασούλα να τρώτε, έναν πιθαμήν γραούν παλ αν έχ’ νε απανκεσ’, φυσέστ’ άτα καλά κ’ επεκεί  βάλτ’ ατά ‘ς σο στόμαν εσούν.