Μάθα κλαδόπο μ’ γράμματαν, Χαρίτον.

157.
Mάθα κλαδόπο μ’ γράμματαν, Χαρίτον.
Μάθα κλαδόπο μ’ γράμματαν,
έλεες μεν Πατέρα μ’,
τρανόν δουλείαν ´ς σην ζωή σ’,
να έεις έναν ημέραν,
./.
κι’ ογώ κοντύλ’ εγόρασα,
χαρτίαν και βιβλίαν,
σχολείον έτον κούρφεμα μ’,
π’ επαίρ’να τ’ αριστείαν,
./.
γέλτα ´ς σα ≤είλâ σ’ την χαράν,
´ς σα υστερνάν τα χρόνâ σ’,
εφαίρ’ ν ατα άμον Άνοιξην,
και χάνουνταν τα πόνâ σ’,
./.
άετς τα χρόνâ μ’ έφυαν,
εξέβ’ ασ’ σο σχολείον,
τρανόν επαίρα Δίπλωμαν,
δουλεία μ’ καθησίον,
./.
Έναν τουβάρ’ εγόμωσα,
Μ’ ονέρτα και καρφίαν,
Θ’ εφτάγ’ ατα λαδόχαρτον,
Να τρώγω τα χαψία μ’,
./.
πούμερ δουλείαν και παράν,
πούμερ χαράν ´ς σα ≤είλâ μ’,
εσπαλίεν η στρωτή μ’,
 κι’ όλâ τα παραθύρâ μ’,
./.
Προστατεύεται από τον N.2121-1993 περί  Πνευματικών Δικαιωμάτων