171. Mαννίτσα μ’ ´κοιλοπόνεσες, Χαριτίδης Κ. Ιωάννης, Χαρίτον.

171.
Mαννίτσα μ’ ´κοιλοπόνεσες,
Χαριτίδης Κ. Ιωάννης, Χαρίτον
Μαννίτσα μ’ ´κοιλοπόνεσες,
κι’ έναν ζωήν ´κι εχάρες,
φαρμάκ’ την _ή σ’ επότσα τεν,
και με τ’εμέν πικράθες
./.
Ώϊ, μαννα μ’ εσχώρα με,
´κι κλώσκουνταν τα χρόνâ σ’,
εθάρ’να σεν παντοτινόν,
απάν ´ς σην γην αιώνιαν,
./.
πέρω για ράμμαν την ζωή μ’,
βελόνιν την καρδία μ’,
εμπάλ’ σ’εσόν τα δäκρâν,
τ’εμόν την πουσμανίαν,
./.
Ώϊ, μαννα μ’ εσχώρα με,
´κι κλώσκουνταν τα χρόνâ σ’,
εθάρ’να σεν παντοτινόν,
απάν ´ς σην γην αιώνιαν,
./.
ας να έτον ´ς σο όρομα μ’,
´ς σον ύπνο μ’ ιστορίαν,
´ς σο γνέφιγμα μ’ να εβζήγουνταν,
τα πίκρας ισ’ ´ς σο μίαν,
./.
Ώϊ, μαννα μ’ εσχώρα με,
´κι κλώσκουνταν τα χρόνâ σ’,
εθάρ’να σεν παντοτινόν,
απάν ´ς σην γην αιώνιαν,
./.

Προστατεύεται από τον N.2121-1993 περί  Πνευματικών Δικαιωμάτων