Σεβντά εύκολα ’κί χάται, Ελένη Σαμανίδου

Σεβντά εύκολα ’κί χάται

Τραγούδι: Ελένη Σαμανίδου

Λύρα: Φάνης Κουρουκλίδης

Από την δισκογραφία του Παναγιώτη Ασλανίδη

«Ασμάτων Ποντίων Απάνθισμα»

 Σεβντά εύκολα ’κί χάται ατό ό,τιναν πιάν’,

ταλεύ’ ατός ’κί φοάται τ’ άψιμον σίτι͜α πιάν’,

./.

όλια έρ’ταν ας σ’ ομμάτι͜α ο θάνατον κι η ζωή,

κρεμίζει͜ ατόν σα κρεβάτι͜α μαραίνεται σα χλόη,

./.

τη νύχταν και την ημέραν αποθαμένος γυρίζ’,

ούτε μάνα και πατέρα ούτε αδέλφι͜α ατός νουνίζ’,

./.

που να έν’ η γιατρειά για τ’ ατουνού την καρδίαν,

αναχάπαρα βρουλίζ’ αν ’κ’ ευρήκ’ παρηγορίαν,

./.

τη χάρονος την ισ̌κι͜άν ελέπ’ς σ’ ατουνού τ’ ομμάτι͜α,

π’ αρρωσταίν’ ας ση σεβντάν αμάν θα ρουζ’ σα κρεβάτι͜α,

./.

όλια έρ’ταν ας σ’ ομμάτι͜α ο θάνατον κι η ζωή,

κρεμίζει_ατόν σα κρεβάτι͜α μαραίνεται σα χλόη.